HomeNewsસુરતમાં યુવતીની છેડતી થતાં બે જૂથો વચ્ચે અથડામણ, પથ્થરમારો કરી ગાડીઓમાં તોડફોડ...

સુરતમાં યુવતીની છેડતી થતાં બે જૂથો વચ્ચે અથડામણ, પથ્થરમારો કરી ગાડીઓમાં તોડફોડ કરી


પોલીસે સામ સામે ફરિયાદ નોંધીને 10ની અટકાયત કરી

Updated: Jan 16th, 2023

add caption

સુરત, 16 જાન્યુઆરી 2023 સોમવાર

ગુજરાતમાં અનેક ઠેકાણે પતંગના પેચ લડાવવામાં માથાકુટ થઈ હોવાના બનાવ સામે આવ્યાં છે. ત્યારે સુરતમાં પણ પતંગ ચગાવતાં યુવતીની છેડતી થઈ હોવાને લઈને બે જૂથો વચ્ચે બોલાચાલી થઈ હતી. આ બબાલમાં બે જૂથો સામ સામે આવી જતાં પથ્થરમારો કરવા માંડ્યા હતાં. આ ઘટનામાં ચાર લોકોને ઈજા થઈ હતી. ઉશ્કેરાયેલા ટોળાએ કાર અને બાઈકમાં પણ તોડફોડ કરી હતી. પોલીસે ઘટના સ્થળે પહોંચીને 10થી વધુ લોકોની અટકાયત કરી છે. 

સામ-સામે ગુનો નોંધી 10 લોકોની અટકાયત કરી
પ્રાપ્ત વિગતો પ્રમાણે સુરતના નાનપુરાના ખલીફા વિસ્તારમાં પતંગ ચગાવી કેટલાક લોકો યુવતીની છેડતી કરતા હતા. આ બાબતે સામાન્ય બોલાચાલી થઈ હતી. રવિવારે સવારે પણ સામાન્ય છમકલું થતાં બન્ને જૂથો આમને-સામને આવી ગયા હતા અને ટોળાએ એકબીજા પર પથ્થરમારો કર્યો હતો. અહીં કાર અને બાઈકને નુકસાન પણ પહોંચ્યું હતું. ઘટનાની જાણ થતા જ કુલ 4 પોલીસ સ્ટેશનનો કાફલાએ ઘટનાસ્થળે પહોંચી મામલાને કાબૂમાં લીધો હતો. પોલીસે રાયોટિંગની ફરિયાદ લઈ સામ-સામે ગુનો નોંધી 10 લોકોની અટકાયત કરી હતી. 

See also  વિદેશ અભ્યાસ માટે જતાં વિદ્યાર્થીઓને અરજી પછી સમયસર લોન ન મળતા હાલાકી પડે છેઃ BJP MLA Kumar Kanani

ગાડીઓને પણ નુકસાન પહોંચાડવામાં આવ્યું
ઘટનાસ્થળ ઉપર ચુસ્ત પોલીસ બંદોબસ્ત ગોઠવી દેવામાં આવ્યો હતો. આ ઘટનામાં ઈજાગ્રસ્ત થયેલા વ્યક્તિએ પોલીસને કહ્યું હતું કે, ટેરેસ પર જ્યારે તેઓ પતંગ ચગાવવા ગયાં ત્યારે ત્રણથી ચાર લોકો યુવતીની છેડતી કરતાં હતાં. અમે પોલીસને બોલાવવાની બીક બતાવી તો કહ્યું કે જેને બોલાવવા હોય એને બોલાવો. પરંતુ પોલીસની ગાડી આવતાં જ તેઓ ત્યાંથી ભાગી ગયા હતાં. ફટકાથી અમારી ગાડીઓને પણ નુકસાન પહોંચાડવામાં આવ્યું છે. અમારે ત્યાં સીસીટીવી પણ લગાવવામાં આવ્યા છે.

LEAVE A REPLY

Please enter your comment!
Please enter your name here

Must Read