HomeNewsસસ્પેન્ડ થયેલા GST નંબર શરૂ કરાવવા માટે હવે અધિકારીઓ પાસે નહીં જવુ

સસ્પેન્ડ થયેલા GST નંબર શરૂ કરાવવા માટે હવે અધિકારીઓ પાસે નહીં જવુ


  • GST પોર્ટલ પર સુવિધા શરૂ કરી દેવામાં આવતા વેપારીઓને રાહત
  • રિટર્ન નિયમિત નહીં ભરનારના જીએસટી નંબર સસ્પેન્ડ કરી દેવામાં આવતા હતા
  • આપોઆપ અપલોડ થવાના કારણે ફરીથી જીએસટી નંબર કાર્યરત કરી દેવામાં આવશે

જીએસટી રિટર્ન નિયમિત નહીં ભરનારના જીએસટી નંબર સસ્પેન્ડ કરી દેવામાં આવતા હતા. આ નંબર શરુ કરાવવા માટે વેપારીએ રિટર્ન ભરપાઇ કર્યા બાદ પણ અધિકારી પાસે જઇને ધક્કા ખાવા પડતા હતા. તેના બદલે હવે જીએસટી પોર્ટલ પર જ તેની વિગતો આપોઆપ અપલોડ થવાના કારણે ફરીથી જીએસટી નંબર કાર્યરત કરી દેવામાં આવશે. તેના લીધે વેપારીઓને સૌથી વધુ રાહત થવાની છે.

બેથી વધારે જીએસટી રિટર્ન નહીં ભરનારના જીએસટી નંબર સસ્પેન્ડ કરી દેવામાં આવતા હતા. તેના લીધે વેપારીઓ પાસેથી જીએસટી નંબર નહીં હોવાના લીધે અન્ય વેપારી તેની સાથે વેપાર કરતા અટકતા હોય છે. આવા વેપારીઓ બાકી રહેલા રિટર્ન ભરી દેવા છતાં નંબર ફરીથી શરુ કરવા માટે રિટર્ન ભરેલાની વિગતો ઓફલાઇન અધિકારી સમક્ષ રજુ કરવી પડતી હતી.

See also  લિંબાયત ઝોનના ઉમરવાડામાં પાલિકાની જગ્યા પર ખાનગી ટ્રસ્ટ ચાલતા પે એન્ડ પાર્ક પર સુરત પાલીકાએ તાળા લગાવ્યા

ત્યાર બાદ અધિકારી તેને ફરીથી કાર્યરત કરવા માટે મહિનાઓ સુધી વેપારીઓને ધક્કા ખવડાવતા હતા. આ સમસ્યાના નિરાકરણ માટે રિટર્ન ભરી દેવામાં આવશે તો આપોઆપ જ જીએસટી નંબર કાર્યરત કરી દેવામાં આવશે તેવો નિર્ણય જીએસટી કાઉન્સિલની બેઠકમાં કરવામાં આવ્યો હતો. પરંતુ તેની સુવિધા શરુ કરવામાં આવી નહોતી.

આખરે ગત સપ્તાહમાં જીએસટી પોર્ટલ પર સુવિધા કાર્યરત કરી દેવામાં આવી છે. તેના કારણે સિસ્ટમમાં બાકી રહેલા જીએસટી રિટર્ન ભરપાઇ કર્યાની જાણ થતાની સાથે જ જીએસટી નંબર કાર્યરત કરી દેવામાં આવશે. તેમાં અધિકારી પાસે જવાની પણ જરૂર પડવાની નથી. તેમજ તાત્કાલિક જ આ સુવિધા વેપારીને મળી રહેવાના લીધે પહેલાની માફક વેપાર પણ કરી શકશે.

See also  ऑटो एक्सपो 2023 : आगे के सालों में इलेक्ट्रिक वाहनों की इस बड़ी समस्या को दूर करेगी टाटा पॉवर, बनाएगी 25000 चार्जिंग पॉइंट

LEAVE A REPLY

Please enter your comment!
Please enter your name here

Must Read